سورة الشَّرح

30 ވަނަ ފޮތް

بِسۡمِ ٱللهِ ٱلرَّحۡمَـٰنِ ٱلرَّحِيمِ

رحمنވަންތަ رحيمވަންތަ اللَّهގެ اسمފުޅުން ފަށައިގަންނަމެވެ.

30 ވަނަ ފޮތް

أَلَمۡ نَشۡرَحۡ لَكَ صَدۡرَكَ 1

ތިމަންރަސްކަލާނގެ، ކަލޭގެފާނުގެ ހިތްޕުޅު ކަލޭގެފާނަށްޓަކައި ތަނަވަސްކޮށް ނުދެއްވަންތޯއެވެ؟

30 ވަނަ ފޮތް

وَوَضَعۡنَا عَنكَ وِزۡرَكَ 2

އަދި ކަލޭގެފާނު އުފުއްލަވާ ބުރަ، ކަލޭގެފާނުގެ ކިބައިން ތިމަންރަސްކަލާނގެ ލުއިކުރެއްވީމެވެ.

30 ވަނަ ފޮތް

ٱلَّذِىٓ أَنقَضَ ظَهۡرَكَ 3

އެއީ ކަލޭގެފާނުގެ ބުރިކަށިފުޅަށް ބުރަކަންދީފައިވާ ކަންތަކެވެ.

30 ވަނަ ފޮތް

وَرَفَعۡنَا لَكَ ذِكۡرَكَ 4

އަދި ކަލޭގެފާނަށްޓަކައި ތިމަންރަސްކަލާނގެ، ކަލޭގެފާނުގެ ނަންފުޅު މަތިވެރިކުރެއްވީމެވެ.

30 ވަނަ ފޮތް

فَإِنَّ مَعَ ٱلۡعُسۡرِ يُسۡرًا 5

ފަހެ، ހަމަކަށަވަރުން، އުނދަގޫކަމާއެކު ފަސޭހަކަންވެއެވެ.

30 ވަނަ ފޮތް

إِنَّ مَعَ ٱلۡعُسۡرِ يُسۡرً۬ا 6

ހަމަކަށަވަރުން، އުނދަގޫކަމާއެކު ފަސޭހަކަންވެއެވެ.

30 ވަނަ ފޮތް

فَإِذَا فَرَغۡتَ فَٱنصَبۡ 7

ފަހެ، ކަލޭގެފާނު (دينއަށް ގޮވައިލެއްވުމުގެ މަސައްކަތުން) އަވަދިވެވަޑައިގަންނަވާހިނދު، ފަހެ، ކަލޭގެފާނު (އަޅުކަން ކުރެއްވުމުގައި) ވަރުބަލިވެ ވަޑައިގަންނަވާށެވެ!

30 ވަނަ ފޮތް

وَإِلَىٰ رَبِّكَ فَٱرۡغَب 8

އަދި ހަމައެކަނި، ކަލޭގެފާނުގެ ވެރިރަސްކަލާނގެ حضرةއަށް، ފަހެ، ކަލޭގެފާނު އެދިވަޑައިގަންނަވާށެވެ!