بِسۡمِ ٱللهِ ٱلرَّحۡمَـٰنِ ٱلرَّحِيمِ
رحمنވަންތަ رحيمވަންތަ اللَّهގެ اسمފުޅުން ފަށައިގަންނަމެވެ.
سورة الغَاشِیَة
88 ސޫރަތް
ފޮންޓް ކޮންޓްރޯލް
އަރަބި އާޔަތާއި ދިވެހި މާނަގެ ފޮންޓް ސައިޒް ބަދަލު ކުރާށެވެ
އާޔަތްތައް
هَلۡ أَتَٮٰكَ حَدِيثُ ٱلۡغَـٰشِيَةِ 1
ބިރުވެރިކަމާއިގެން އެންމެންނަށް ކުރިމަތިވެގެންއަންނާނޭ ކަންތަކުގެ ވާހަކަ (އެބަހީ: قيامةގެ ވާހަކަ) ކަލޭގެފާނާ ހަމަޔަށް އައިސްފައިވޭތޯއެވެ؟
وُجُوهٌ۬ يَوۡمَٮِٕذٍ خَـٰشِعَةٌ 2
އެދުވަހުން، ދެރަވެ ނިކަމެތިވެގެންވާ މޫނުތަކެއް ވެއެވެ.
عَامِلَةٌ۬ نَّاصِبَةٌ۬ 3
މަސައްކަތްތެރި، ވަރުބަލި މޫނުތަކެކެވެ.
تَصۡلَىٰ نَارًا حَامِيَةً۬ 4
ހޫނުކަން ގަދަވެގެންވާ ނަރަކަޔަށް އެއުރެން ވަންނާނެތެވެ.
تُسۡقَىٰ مِنۡ عَيۡنٍ ءَانِيَةٍ۬ 5
ހޫނުކަން ނިހާޔަތަށް ގޮސްފައިވާ ފެންއާރަކުން އެއުރެންނަށް ބޯންދެއްވާނެތެވެ.
لَّيۡسَ لَهُمۡ طَعَامٌ إِلَّا مِن ضَرِيعٍ۬ 6
ކަށިހުރި، ވިހަ މޭވާޔަކުން މެނުވީ، އެއުރެންނަކަށް ކާނާއެއް ނުވެއެވެ.
لَّا يُسۡمِنُ وَلَا يُغۡنِى مِن جُوعٍ۬ 7
(އެ ކެއުމަކުން) ހަށިގަނޑަކަށް ބާރެއް ނުދޭނެތެވެ. އަދި ބަނޑުހައި ހޫނުކަން ފިލުވައެއް ނުމެދޭނޭމެއެވެ.
وُجُوهٌ۬ يَوۡمَٮِٕذٍ۬ نَّاعِمَةٌ۬ 8
އެދުވަހުން نعمةލިބިގެންވާ، އުފާވެރި މޫނުތަކެއް ވެއެވެ.
لِّسَعۡيِہَا رَاضِيَةٌ۬ 9
ދުނިޔޭގައި އެއުރެންކުޅަ މަސައްކަތަށް ރުހިގެންވެއެވެ.
فِى جَنَّةٍ عَالِيَةٍ۬ 10
މަތިވެރިވެގެންވާ ސުވަރުގޭގައެވެ.
لَّا تَسۡمَعُ فِيہَا لَـٰغِيَةً۬ 11
(ގެއްލުންދެނިވި) ބޭކާރު ވާހަކައެއް، އެތާނގައި އެއުރެން ނާހާނެތެވެ.
فِيہَا عَيۡنٌ۬ جَارِيَةٌ۬ 12
ހިނގަހިނގާ ހުންނަ ފެންއާރެއް އެތާނގައިވެއެވެ.
فِيہَا سُرُرٌ۬ مَّرۡفُوعَةٌ۬ 13
އުފުލިގެންވާ ދާންތައް އެތާނގައިވެއެވެ.
وَأَكۡوَابٌ۬ مَّوۡضُوعَةٌ۬ 14
އަދި ބެހެއްޓިގެންވާ ތަށިތައްވެސްމެއެވެ.
وَنَمَارِقُ مَصۡفُوفَةٌ۬ 15
އަދި އެތުރިގެންވާ ބާލީސްތައްވެސްމެއެވެ.
وَزَرَابِىُّ مَبۡثُوثَةٌ 16
އަދި ފެތުރިގެންވާ ދޫލަތައްވެސްމެއެވެ.
أَفَلَا يَنظُرُونَ إِلَى ٱلۡإِبِلِ ڪَيۡفَ خُلِقَتۡ 17
ފަހެ، ޖަމަލު ހައްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީހެއްޔެވެ.
وَإِلَى ٱلسَّمَآءِ ڪَيۡفَ رُفِعَتۡ 18
އަދި އުޑު އުފުއްލަވާފައިވަނީ، ކޮންފަދައަކުން ކަމާމެދު އެއުރެން އުޑަށް ނުބަލަނީހެއްޔެވެ؟
وَإِلَى ٱلۡجِبَالِ كَيۡفَ نُصِبَتۡ 19
އަދި ފަރުބަދަތައް ކޮޅަށް ނަންގަވާފައިވަނީ، ކޮންފަދައަކުން ކަމާމެދު އެއުރެން ފަރުބަދަތަކަށް ނުބަލަނީހެއްޔެވެ؟
وَإِلَى ٱلۡأَرۡضِ كَيۡفَ سُطِحَتۡ 20
އަދި ބިން ފަތުރުއްވާފައިވަނީ، ކޮންފަދައަކުން ކަމާމެދު އެއުރެން ބިމަށް ނުބަލަނީހެއްޔެވެ؟
فَذَكِّرۡ إِنَّمَآ أَنتَ مُذَڪِّرٌ۬ 21
ފަހެ، ކަލޭގެފާނު (އެއުރެންނަށް) ހަނދުމަކޮށް ދެއްވާށެވެ! ކަލޭގެފާނު ވާކަން ކަށަވަރީ، ހަނދުމަކޮށްދެއްވާ ބޭކަލަކު ކަމުގައެވެ.
لَّسۡتَ عَلَيۡهِم بِمُصَيۡطِرٍ 22
އެއުރެންގެ މައްޗަށް ބާރު ހިންގަވާ ބޭކަލަކު ކަމުގައި ކަލޭގެފާނު ނުވެއެވެ.
إِلَّا مَن تَوَلَّىٰ وَكَفَرَ 23
ފުރަގަސްދީ، كافرވި މީހަކަށް މެނުވީއެވެ.
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ 24
ފަހެ، اللّه، އެމީހަކަށް ބޮޑުވެގެންވާ عذابން عذابދެއްވާނެތެވެ.
إِنَّ إِلَيۡنَآ إِيَابَہُمۡ 25
ހަމަކަށަވަރުން، އެއުރެން އެނބުރި އައުންވަނީ، ތިމަންރަސްކަލާނގެ حضرةއަށެވެ.
ثُمَّ إِنَّ عَلَيۡنَا حِسَابَہُم 26
ދެން އެއުރެންގެ حسابބެއްލެވުން ވަނީވެސް، ހަމަކަށަވަރުން، ތިމަންރަސްކަލާނގެއަށެވެ.
0:00
0:00