سورة التّکاثُر

30 ވަނަ ފޮތް

بِسۡمِ ٱللهِ ٱلرَّحۡمَـٰنِ ٱلرَّحِيمِ

رحمنވަންތަ رحيمވަންތަ اللَّهގެ اسمފުޅުން ފަށައިގަންނަމެވެ.

30 ވަނަ ފޮތް

أَلۡهَٮٰكُمُ ٱلتَّكَاثُرُ 1

(މުދަލާއި ދަރިން) ގިނަކަމަށް އެކަކުއަނެކަކަށް فخرވެރިވެ އުޅުން، ތިޔަބައިމީހުން (اللَّهގެ މަތިން ހަނދުމަނެއްތައި) مشغولކޮށްފިއެވެ.

30 ވަނަ ފޮތް

حَتَّىٰ زُرۡتُمُ ٱلۡمَقَابِرَ 2

ތިޔަބައިމީހުން ކަށްވަޅުތަކަށް ޒިޔާރަތްކޮށްފުމަށް ދާނދެނެވެ. (އެބަހީ: މަރުވެއްޖައުމަށް ދާނދެނެވެ).

30 ވަނަ ފޮތް

كَلَّا سَوۡفَ تَعۡلَمُونَ 3

ހަމަހިލާ އެހެންނަކުން ނުވާނެއެވެ. ނިކަންހުރެ ތިޔަބައިމީހުންނަށް އެނގޭނެތެވެ.

30 ވަނަ ފޮތް

ثُمَّ كَلَّا سَوۡفَ تَعۡلَمُونَ 4

ދެންވެސް، ހަމަހިލާ އެހެންނަކުން ނުވާނެއެވެ. ނިކަންހުރެ ތިޔަބައިމީހުންނަށް އެނގޭނެތެވެ.

30 ވަނަ ފޮތް

كَلَّا لَوۡ تَعۡلَمُونَ عِلۡمَ ٱلۡيَقِينِ 5

ހަމަހިލާ އެހެންނަކުން ނުވާނެއެވެ. يقينކަމުގެ އެނގުމުން ތިޔަބައިމީހުންނަށް އެނގޭނަމައެވެ.

30 ވަނަ ފޮތް

لَتَرَوُنَّ ٱلۡجَحِيمَ 6

ހަމަކަށަވަރުން، ތިޔަބައިމީހުން ނަރަކަ ދެކޭނެކަން ކަށަވަރެވެ.

30 ވަނަ ފޮތް

ثُمَّ لَتَرَوُنَّہَا عَيۡنَ ٱلۡيَقِينِ 7

ދެންހަމަ يقينކަމުގެ ދުށުމުން، ތިޔަބައިމީހުން އެ ނަރަކަ ދެކޭނެކަން ކަށަވަރެވެ.

30 ވަނަ ފޮތް

ثُمَّ لَتُسۡـَٔلُنَّ يَوۡمَٮِٕذٍ عَنِ ٱلنَّعِيمِ 8

ދެން އެދުވަހުން ހަމަކަށަވަރުން (ދުނިޔޭގައި ތިޔަބައިމީހުންނަށް ލިބުނު) نعمةތަކާމެދު ތިޔަބައިމީހުންނާ سؤالކުރައްވާނެކަން ކަށަވަރެވެ.